لاہور۔15فروری(اے پی پی)پاکستان کرکٹ بورڈ (پی سی سبی) فاسٹ بولر حارث رؤف دا سینٹرل کنٹریکٹ ختم کرݙتے۔ ݙسایا ڳئے جو حارث رؤف دے سینٹرل کنٹریکٹ کوں ختم کرݨ دا فیصلہ دورہ آسٹریلیا 24-2023 کیتے پاکستان دے ٹیسٹ سکواڈ اچ رلݨ توں انکار دے بعد کیتا ڳئے۔ پی سی بی اعلامیے اچ آکھیے جو پی سی بی دی ہک کمیٹی معاملے دی مکمل سماعت دے بعد سارے فریقین دی رائے نال حارث رئوف دا سینٹرل کنٹریکٹ یکم دسمبر 2023 توں ختم کر ݙتے ڄݙاں جو انہاں کوں 30 جون 2024 تئیں کہیں وی غیر ملکی لیگ اچ کھیݙݨ دا این او سی وی نا ݙتا ویسی۔ پی سی بی موجب کہیں وی طبی رپورٹ یا معقول وجہ نا ہووݨ تے پاکستان دے ٹیسٹ سکواڈ اچ کھیفݨ تون انکار سینٹرل کنٹریکٹ دی خلاف ورزی اے۔
