لاہور۔16فروری(اے پی پی)پاکستان سپر لیگ (پی ایس ایل) 9 دی رنگا رنگ افتتاحی (صبحائیں) چھݨ چھݨ 17 فروری کوں قذافی سٹیڈیم لاہور اچ سجسی جیندے اچ خوب دھوم دھڑکا ہوسی۔ افتتاحی تقریب اچ موسیق، ڳاوݨ وڄاوݨ ہوسی جیندے اچ مہاندرے سریلے فنکار اتے گلوکار لوکاں کوں چس چویسن ڄݙاں جو زبردست آتش بازی نال آسمان تے سوجھلے اتے رنگ دی بہار کھنݙائی ویسی۔ تقریب اچ آتش بازی دے نال نال جدید ترین لیزر شو وی رکھیا ڳئے۔ تقریب دے بعد ایونٹ دے پہلے میچ اچ دفاعی چیمپئن لاہور قلندرز اتے اسلام آباد یونائیٹڈ آمݨے سامݨے ہوسن۔
