لاہور:18فروری(اے پی پی)پی ایس ایل سیزن 9 دا ݙوڄھا میچ قذافی سٹیڈیم لاہور اچ کوئٹہ گلیڈی ایٹرز اتے پشاور زلمی دیاں ٹیماںو چال کھیݙیا ڳئے ڄیڑھا کوئٹہ گلیڈی ایٹرز 16 رنز توں جیت ڳھدے۔ پشاور زلمی دے کپتان بابر اعظم ٹاس جیت تے گلیڈی ایٹرز کوں پہلے بیٹنگ دی دعوت ݙتی ہئی۔ کوئٹہ گلیڈی ایٹرز پہلے کھیݙدے 5 وکٹاں ونڄا تے پشاور زلمی کوں 20 اووراں اچ جیتݨ کیتے 207 رنز دا ہدف ݙتے۔ کوئٹہ گلیڈی ایٹرز ولوں جیسن روئے 75 اتے سعود شکیل 74 رنز دی اننگز کھیݙی۔ پشاور زلمی دے سلمان ارشاد 3، لیوک ووڈ اتے محمد ذیشان ہک ہک وکٹ ڳھدی۔ ولدے اچ پشاور زلمی دی ٹیم مقررہ 20 اوورز اچ 6 وکٹاں ونڄا تے 190 رنز ٻݨا سڳی۔ پشاور زلمی دے کپتان بابراعظم 68 رنز ٻݨائے ٻھل ٹیم کون جتوا نئیں سڳیے۔ صائم ایوب 42، ٹام کوہلر 18، روومین پاول 17، ڈان موسلے 11 اتے محمد حارث 7 رنز ٻݨائن، آصف علی 2 اتے عامر جمال 7 رنز نال ناٹ آؤٹ رہین۔ کوئٹہ گلیڈی ایٹرز دے ابرار احمد 2، محمد عامر، عقیل حسین اتے محمد وسیم ہک ہک وکٹ ڳھدی۔
