ملتان۔ 21 فروری (اے پی پی) کمشنر انجینئر عامر خٹک آکھیے جو شہر اولیاء اچ مذہبی سیاحت دے ودھارے سانڳے دربار حضرت شاہ شمسؒ دی اپ گریڈیشن 490 ملین روپے دی خطیر رقم جاری کیتی اے ۔ انہاں آکھیے نال جڑیاں عمارت، امام بارگاہ، لنگر خانہ کوں جدید خطوط تے اپ گریڈ کیتا ویندا پئے ۔ اے ڳالھ انہاں دربار حضرت شاہ شمسؒ دی تزئین وآرائش دا جائزہ گھنݨ سانڳے دورے دے موقع تے کیتے۔ کمشنرملتان مزید آکھیے وزیراعلی پنجاب سید محسن نقوی دی خصوصی دلچسپی توں دربار حضرت شاہ شمسؒ دی اپ گریڈیشن جاری اے۔ انہاں آکھیے اندرلے حصہ دا کم والڈ سٹی پراجیکٹ دے تحت کیتا ویسی ۔عامر خٹک آکھیے کنٹرول روم، 3 نویں واٹر فلٹریشن پلانٹس وی دربار دی اپ گریڈیشن دا حصہ ہن ۔ ایں موقع تے ڈائیریکٹر ڈویلپمنٹ روبینہ کوثر، اسسٹنٹ کمشنر سٹی سیمل مشتاق اتے متعلقہ محکمیں دے افسران وی موجود ہن۔
