لاہور۔ 23 فروری (اے پی پی):ملتان دی پہلی تریمت کمشنر مریم خان عہدے دا چارج سنبھال ڳھدا ۔ ایں موقع تے انہاں آکھیے جو حکومت پنجاب ملتان ڈویژن دی ترقی دا ٹاسک ݙتے ،ڈویژن دے مسئلیں دے حل بارے عملی اقدامات کریسن ۔ انہاں آکھیے کمشنر آفس دے دروازے جائز کماں سانڳے ہر خاص و عام سانڳے کھلئن ۔انہاں آکھیے کرپشن اتے سرخ فیتہ کلچر مکاوݨ دے نال اوپن ڈور پالیسی دے تحت میرٹ تے شہریاں دے مسئلے حل کرݨ اولین ترجیح اے ۔انفراسٹرکچر دی بحالی تے صحت و تعلیم دے شعبے تے خصوصی توجہ ݙتی ویسی ۔ ڈویژن اچ بہترین صفائی تے تزئین و آرائش تے کم کیتا ویسی ۔
