اسلام آباد۔5مارچ(اے پی پی) نیوزی لینڈ کرکٹ ٹیم دے دورہ پاکستان سانڳے نیوزی لینڈ دے سکیورٹی وفد راولپنڈی کرکٹ سٹیڈیم دا دورہ کیتے اتے اتھاں سکیورٹی انتظامات ݙٹھن۔ نیوزی لینڈ کرکٹ بورڈ دے 2 رکنی سکیورٹی وفد اچ کیویز پلیئرز ایسوسی ایشن دے چیف ایگزیکٹو ہیتھ ملز اتے سکیورٹی کنسلٹنٹ ریگ ڈکاسن شامل ہن۔ وفد کوں پی سی بی اتے سکیورٹی حکام بریفنگ ݙتی۔ سکیورٹی وفد پنڈی کرکٹ سٹیڈیم دے مختلف حصے ݙٹھن۔ وفد لاہور وی ویسی اتے قذافی سٹیڈیم دا وی دورہ کریسی۔ نیوزی لینڈ دی ٹیم آندے مہینے 5 ٹی 20 میچز کیتے پاکستان آوݨی اے۔ اے میچ لاہور اتے راولپنڈی کرکٹ سٹیڈیم اچ کھیݙیے ویسن۔
