لاہور۔6مارچ(اے پی پی):وزیراعلیٰ پنجاب مریم نواز شریف سرائیکی ثقافتی ݙیہارے تے اپݨے سنیہے اچ آکھیے جو سرائیکی زبان دی مٹھاس پاکستان دا ان مُل ترکہ اے، اپݨے سرائیکی بھینڑیں اتے بھراویں کوں سرائیکی ثقافتی ڈینہوار دیاں نوں لکھ مبارخاں، سرائیکی ثقافت مہکتے گلدستے دا پھل اے اتے سرائیکی اجرک میݙی پسندیدہ اے ڄیڑھی محبت دا استعارہ اے۔ انہاں آکھیا جو سرائیکی سرزمین کئی مہاندریاں شخصیات ݙتن ڄئیں پاکستان کیتے وݙیاں خدمتاں کیتن، پنجاب پاکستان دی ثقافت اتے قدیم روایات دا امین اے، سرائیکی تہذیب وتمدن اچ محبت، پیار، یگانگت اتے خلوص جھلکدے۔ مریم نواز شریف آکھیے جو پاکستان مسلم لیگ (ن) جنوبی پنجاب کوں ترقی و خوشحالی دی راہ تے سٹیے، ہݨ وی ٻہوں ساریاں خوشیاں تانڳھی ہین۔
