واشنگٹن۔7مارچ (اے پی پی) امریکا آکھیا جو پاکستان اتے بھارت وچال پرامن، تعمیری تعلقات ݙیکھݨ چاہندوں۔ انڈیپنڈنٹ اردو موجب امریکی محکمہ خارجہ دے ترجمان میتھیو ملر گزریل ݙینھ واشنگٹن ڈی سی اچ پریس بریفنگ اچ ہک سوال دے ولدے اچ آکھیا جو امریکا پاکستان اتے بھارت نال آپݨے تعلقات کوں قدر نال ݙیکھدے اتے ݙوہیں ملکاں وچال پرامن، تعمیری تعلقات ݙیکھݨ چاہندوں۔ انہاں بھارتی وزیر اعظم نریندر مودی ولوں شہباز شریف کوں مبارخ ݙیوݨ دا خیر مقدم وی کیتا۔ کشمیر سودھے سارے مسئلیاں تے پاکستان اتے بھارت وچال مستقبل اچ تھیوݨ آلےمذاکرات دا خیر مقدم کرݨ بارے ہک سوال دے ولدے اچ انہاں آکھیا جو اساں پاکستان اتے بھارت وچال نتیجہ خیز پر امن مذاکرات دا خیر مقدم کریسوں۔
