اسلام آباد۔7مارچ(اے پی پی) وزارت تخفیف غربت زکوٰۃ دا نصاب جاری کرݙتے، قومی بنکاں دے حساب اچ ہک لکھ 35 ہزار 179 روپے توںو دھ پیسے تے زکوٰۃ کٹوتی تھیسی۔ وزارت تخفیف غربت سٹیٹ بینک کوں زکوٰۃ کٹوتی دا مراسلہ ٻھڄوا ݙتے۔ سٹیٹ بینک آف پاکستان سارے بنکاں کوں یکم رمضان المبارک کوں زکوٰۃ کٹوتی دی ہدایت کیتی اے۔ قومی بینکاں دے بچت اتے فکس ڈیپازٹس اکائونٹس اچ ہک لکھ 35 ہزار 179 روپے توں ودھ ہوسن تاں زکوٰۃ کٹی ویسی۔ زکوٰۃ ݙھائی فیصد دی شرح نال کٹدی اے۔
