مقبوضہ بیت المقدس۔15مارچ (اے پی پی):فلسطین دے صدر محمود عباس فلسطین انویسٹمنٹ فنڈ (پی آئی ایف) دے چیئرمین محمد مصطفیٰ کوں ملک دا نواں وزیراعظم مقرر کرݙتے ۔ روسی خبر رساں ادارے تاس فلسطینی نیوز ایجنسی وفا دے حوالے نال ݙسایا ڳئے جو فلسطینی صدر دی طرفوں جاری حکم نامے اچ آکھیا ڳئے جو اساں محمد مصطفی کوں وزیر اعظم مقرر کرݨ دا فیصلہ کیتے تے انہاں کوں قانون دے ذریعہ مقرر کیتے ڳئے ویلھے اندر فلسطین دی 19ویں حکومت دی تشکیل دا حکم ݙتے ۔فلسطینی نیشنل اتھارٹی دے سربراہ نویں وزیر اعظم تے زور ݙتے جو او فلسطینی عوام دے مفادات دا تحفظ کرن ،فلسطین دی کامیابیاں کوں برقرار رکھن تے اینکوں ودھاون۔
