لاہور۔15مارچ(اے پی پی):چیئرمین پی سی بی محسن نقوی دبئی اچ جنوبی افریقا کرکٹ بورڈ دے چیئرمین لاسن نیڈوو اتے نیوزی لینڈ کرکٹ بورڈ دے چیئرمین راجر ٹوسے نال ملین۔ ملاقات اچ پاکستان اچ 3 ملکی کرکٹ ٹورنامنٹ کوں حتمی شکل ݙتی گئی۔ محسن نقوی جنوبی افریقا اتے نیوزی لینڈ کرکٹ بورڈ دے چیئرمین کوں پاکستان دے دورے دی دعوت ݙتی۔ ٹرائی سیریز ٹورنامنٹ اچ پاکستان، جنوبی افریقا اتے نیوزی لینڈ کھیݙسن۔ جنوبی افریقا اتے نیوزی لینڈ دیاں ٹیماں جنوری 2025 دے چھیکڑ تے پاکستان آسن۔ چیمپئنز ٹرافی وی آئی سی سی دے ایجنڈے اچ شامل اے ڄیڑھی پاکستان اچ تھیسی جیندے اچ 8 ملکاں دیاں ٹیماں کھیݙسن۔
