رام اللہ ۔18مارچ (اے پی پی) اسرائیلی فوج غزہ دے ساریاں توں وݙے الشفا ہسپتال اچ آپریشن شروع کر ݙتے۔ الجریزہ موجب غزہ دی وزارت صحت جاری بیان اچ آکھیا جو اسرائیلی فوج ٹینکاں نال ہسپتال کوں گھیرے اچ ڳھن ڳھدے اتے ہسپتال اچ فائرنگ اتے گولہ باری شروع کر ݙتی اے۔ بیان اچ آکھیا ڳئیا جو ہسپتال تے اسرائیلی فوج دی فائرنگ اتے گولہ باری پاروں کئی فلسطینی شہید اتے زخمی تھین جڈانجو سرجیکل کمپلیکس اچ ٻھاہ لڳ ڳئی اے۔ غزہ دی وزارت صحت آکھیا جو تقریباً 30 ہزار بندے جئیں اچ بے گھر شہری، زخمی مریض اتے طبی عملہ شامل اے الشفا ہسپتال اچ پھسیے ہوئن۔
