لاہور۔24مارچ(اے پی پی)پاکستان کرکٹ بورڈ دے چیئرمین محسن نقوی قومی کرکٹ ٹٖیم دی پراݨی سلیکشن کمیٹی تحلیل کریندے ہوئے نویں سلیکشن کمیٹی دا اعلان کر ݙتے۔ سلیکشن کمیٹی 7 رکنی ہوسی جیندے اختیارات برابر ہوسن اتے ایندا کوئی وی چیئرمین ہوسی ناں چیئرمین ایندے اچ کوئی مداخلت کریسن۔ اے ڳالھ چیئرمین پاکستان کرکٹ بورڈ محسن نقوی پی سی بی ہیڈکوارٹرز لاہور اچ پریس کانفرنس کریندے ݙسائی۔ انہاں آکھیا جو سلیکشن کمیٹی دے سارے ارکان ہکو سویں رل تے فیصلے کریسن۔ انہاں آکھیا جو وہاب ریاض،محمد یوسف،عبدالرزاق اتے اسد شفیق سلیکشن کمیٹی دا حصہ ہوسن ڄݙاں جو کمیٹی اچ کپتان اتے ہیڈ کوچ سودھا ڈیٹا اینالسٹ کوں وی شامل کیتا ڳئے ڄݙاں جو محمد یوسف انڈر 19 ٹیم دے وی کوچ برقرار رہسن۔
