رائے پور۔27مارچ (اے پی پی) بھارتی ریاست چھتیس گڑھ دے ضلع بیجاپور اچ بھارتی فورسز کاروائی اچ ݙو تریمتیں سودھے چھی بندیاں کوں قتل کر ݙتا۔ کشمیر میڈیا سروس موجب بھارتی پیراملٹری فورسز انہاں لوکاں کوں ہک نکسل مخالف آپریشن اچ قتل کیتے۔ کاروائی اچ بھارتی پیراملٹری سی آرپی ایف دی کمانڈو بٹالین فار ریزولوٹ ایکشن (CoBRA) اتےڈسٹرکٹ ریزرو گارڈز (DRG) حصہ ڳھدا۔ اے کاروائی ضلع بیجاپور اچ باسا گوڈا پولیس سٹیشن دے علاقےچکوربھٹی اتے پسباکا دے جنگلاں اچ کیتی ڳئی۔ بھارتی فورسز ہلاک تھیوݨ آلے لوکاں کوں مائو نواز باغی آکھدیں ہوئیں دعویٰ کیتے جو او تلاشی آپریشن اچ ماریے ڳئن۔
