اسلام آباد ۔27مارچ (اے پی پی سرائیکی نیوز سروس :ڈاکٹر سعدیہ کمال) سرائیکی زبان و ادب دے مہاندرے لکھاری، شاعر سئیں پنوں زادہ شاد جھوک لݙا ڳن۔پنوں زادہ شاد 1905 ء اچ چنی گوٹھ اچ ڄمیے۔انہاں دا اصل ناں عبدالرحمن ہا۔ نواب آف بہاول پور دے حفاظتی دستے اچ وی شامل ریہے۔ بہاول پور اچ جھوک سرائیکی دے قیام اچ انہاں دا اہم کردار ریہا۔ مختلف ڈرامیں تے تھیٹریں اچ وی کم کیتا۔ خوش گلو وی ݙاڈھے ہن۔ شاعری تے نثر دیاں انہاں دیاں چالھی توں زیادہ ان چھپیل کتاباں موجود ان ۔وسیب انھاں دے دنیا توں ونڄݨ تے مونجھ تے ݙکھ وچ ہے۔
