اقوام متحدہ ۔28مارچ (اے پی پی) اقوام متحدہ دے ٻالاں بارے فنڈ (یونیسیف)آکھیا جو اسرائیل ست اکتوبر توں ہݨ تئیں غزہ دے 212 سکولاں کوں براہ راست حملیاں دا نشانہ ٻݨائے، 53 مکمل تباہ تھی ڳئن۔ یونیسیف دی سانجھ نال این جی او ایجوکیشن کلسٹر اتے سیو دی چلڈرن دی جاری تھئی رپورٹ اچ شائع سیٹلائٹ تصویراں موجب 7 اکتوبر 2023 کوں تنازعہ شروع تھیوݨ دے بعد توں ڳھٹ توں ڳھٹ 53 سکول مکمل تباہ تھیوݨ دی نشاندہی کیتی ڳئی اے۔ فروری دے ادھ اچ سکولاں دے احاطیاں تے حملیاں اچ تقریباً نو فیصد ودھارا تھیے۔ رپورٹ اچ آکھیا ڳئے جو غزہ دے 563 سکولاں اچوں 212 کوں اسرائیلی فوج براہ راست نشانہ ٻݨائے۔
