دمشق۔29مارچ (اے پی پی):شام دے شہرحلب دے نیڑے اسرائیلی حملے اچ 36 شامی فوجی شہید تھی ڳئن۔اردو نیوز سیرین آبزرویٹری فار ہیومن رائٹس وار مانیٹر دے حوالے نال ݙسائے جو ایں ھملے اچ 36 شامی فوجی شہید تھی ڳئن۔ حملے اچ لبنانی تنظیم حزب اللہ دے راکٹ ڈپو دے نیڑے دے علاقے کوں نشانہ بݨایا ڳئے ۔شام دی سرکاری خبر رساں ایجنسی سانا آکھیے جو جمعہ دی سویل تھیوݨ آلے حملے اچ وݙی تعداد اچ شہید تے زخمی تھیوݨ آلیں اچ عام شہری اتے فوجی اہلکار ݙوہیں شامل ہن ۔شامی فوج سانا کوں ݙسائے جو جمعہ دی سویل وݙے ویلھے پوںے ݙو وڄے اسرائیل حلب دے جنوب مشرق اچ اثریا نال فضائی حملہ کیتے۔ انسانی حقوق دی نگرانی دے ادارے آکھیے جو حملیں دے ݙو گھنٹے بعد وی دھماکیں دیاں آوازاں سݨیاں ڳئن ۔ انہاں حملیں بارے اسرائیلی حکام دی طرفوں کوئی بیان سامݨے کائنی آیا۔
