ملتان۔ 01 اپریل (اے پی پی):ملتان انسٹی ٹیوٹ آف کارڈیالوجی اچ بھاہ لڳݨ پاروں ݙو بندے زخمی تھی ڳئن ۔ ریسکیو 1122 موجب ملتان انسٹی ٹیوٹ آف کارڈیالوجی اچ سیلنگ اچ گیس بھرݨ توں اچانک بھاہ بھڑک پئی تے جیں دے نتیجے اچ سیلنگ ڈھہہ ڳئی ایندے نتیجے اچ ݙو بندے زخمی تھی ڳئن ۔ واقعہ دی اطلاع ملدے ہی ریسکیو ٹیماں موقع تے پڄ ڳیاں ۔ واقعہ دی اطلاع ملدے ہی ڈپٹی کمشنررضوان قدیر، ڈسٹرکٹ ایمرجنسی آفیسرڈاکٹر کلیم اللہ موقع تے پڄ ڳئن ۔ ریسکیو اہلکاراں وختی کاروائی کریندے ہوئیں متاثرہ حصے کوں بند کرتے زخمی لوکاں کوں وختی طبی امداد ݙے تے ݙوجھے وارڈ اچ شفٹ کرݙتا۔
