رام اللہ۔2اپریل (اے پی پی) غزہ اچ اسرائیلی فضائی حملے اچ این جی او دے 5 کارکن ہلاک تھی ڳئے۔ شنہوا موجب غیر سرکاری تنظیم ورلڈ سینٹرل کچن (ڈبلیو سی کے ) دے ڳھٹ توں ڳھٹ پںج ملازم اسرائیلی فضائی حملے اچ اوں ویلھے ہلاک تھیے جڈاں او وسطی غزہ دے شہر دیر البلاح اچ ڳاݙی تے ویندے پئے ہن۔ تنظیم دے میڈیا آفس ہک بیان اچ ݙسیا جو متاثرین اچ چار غیر ملکی امدادی کارکن اتے ہک فلسطینی شامل اے۔ او بندرگاہ دا معائنہ کرݨ دے مشن تے ہن۔ ڈبلیو سی کے ہک غیر منافع بخش تنظیم اے جیڑھی جو قدرتی آفات اچ کھاوݨ پیوݨ ݙیوݨ کیتے وقف اے۔
