پیرس۔3اپریل(اے پی پی) عالمی طاقتاں غزہ دی پٹی اچ انسانی ہمدردی دی بنیاد تے امداد ݙیوݨ آلی غیر سرکاری تنظیم’’ ورلڈ سینٹرل کچن‘‘ دے اہلکاراں دی اسرائیلی فضائی حملے دے نتیجے اچ ہلاکتاں دی شدید مذمت کیتی اے ۔ اے ایف پی موجب اے حملہ گززریل ݙینھ ایں ویلھے کیتا ڳئے جݙاں ورلڈ سینٹرل کچن اتے ھک ٻئی این جی او دے تعاون توں مشکلات دے شکار فلسطینیاں اچ امدادی سامان تقسیم کریندی پئی ہئی ۔ اسرائیلی حملے اچ آسٹریلیا ، برطانیہ ، فلسطینی، پولینڈ ،امریکا اتے کینیڈا توں تعلق رکھݨ آلے اہلکار لقمہ اجل بݨ ڳئن ۔امریکی صدر جو بائیڈن آپݨے بیان اچ آکھیے جو انہاں کوں ایں واقعے تے ٻہوں کاوڑ اے تے او دل شکستہ ہن۔انہاں آکھیے اسرائیلی حملے بارے تحقیقاتی عمل کوں تکھا کرتے اینکوں احتسابی کٹہرے اچ گھن آیا ونڄݨا چاہیدے ایندی رپورٹ کوں وی اوپن کیتا ونڄے۔
