رائے پور ۔3اپریل (اے پی پی) بھارتی فورسز چھتیس گڑھ اچ کاروائی کریدنیں ہوئیں ترائے تریمتیں سودھے 13 بندے ہلاک کر ݙتے۔ کشمیرمیڈیا سروس موجب بھارتی پیرا ملٹری سینٹرل ریزرو پولیس فورس دے کوبرا یونٹ، ڈسٹرکٹ ریزرو گارڈز اتے سپیشل ٹاسک فورس دے اہلکاراں انہاں بندیاں کوں ضلع بیجاپور دے علاقے لنڈا دے جنگلاں اچ ہک سانجھی کاروائی اچ ہلاک کیتے۔ آئی جی بستر رینج پی سندرراج میڈیا کوں تصدیق کیتی جو ہلاک تھیوݨ آلے 13 بندیاں اچ ترائے تریمتیں شامل ہن۔ بھارتی حکام دعویٰ کیتا جو ہلاک تھیوݨ آلے نکسلی یا ماؤ نواز گوریلے ہن جیڑھے جو بھارت توں آزادی دا مطالبہ کریندے پئے ہن۔
