اقوام متحدہ ۔9اپریل (اے پی پی) اقوام متحدہ دی سلامتی کونسل فلسطین دی مکمل رکنیت دی درخواست متعلقہ کمیٹی کوں ٻھیج ݙتی اے۔ الجزیرہ دے مطابق فلسطین کوں اقوام متحدہ اچ مبصر رکن دا درجہ حاصل اے اتے اوں عالمی ادارے دی مکمل رکنیت کیتے درخواست 2011 اچ جمع کروائی ہئی جئیں تے سلامتی کونسل اچ اڄاں ووٹنگ نی تھئی۔ ہݨ فلسطین سلامتی کونسل توں آپݨی درخواست تے ہک واری ولا غور کرݨ دا مطالبہ کیتے۔ اقوام متحدہ اچ فلسطین دے سفیر ریاض منصور کونسل کوں ݙسیا جو اساں صرف دے چاہندوں جو قوماں دی برادری اچ آپݨا صحیح مقام حاصل کروں۔ واضح راہوےجو سلامتی کونسل دے ارکان فلسطین دی درخواست تے ولا غور کرݨ تے اتفاق کیتے۔
