اسلام آباد۔17اپریل(اے پی پی سرائیکی نیوز سروس: ڈاکٹر سعدیہ کمال): پروفیسرعامر فہیم سرائیکئ اچ علامتی افسانہ نگاری دا وݙا ناں اے۔ جیڑھے سرائیکی زبان تے فکشن نگاراں اچ ہک نشابرمقام رکھدن انھاں گھٹ ودھ 45 سال پہلے افسانیاں دا مجموعہ “جاڳدی اکھ دا خواب” لکھیا ہا جیندی سرائیکی ادب اچ کئی مدھ تئیں دھم مچی رہی۔ پروفیسرعامر فہیم ریڈیو کیتے ڈرامے لکھیے، فلماں بݨائیاں تے ہک مقامی کیبل ٹی وی چینل وی بݨایا۔ ھک مدت دے بعد او ول افسانے آلے پاسے آئن تے “ہک تریڑہ تریہہ” اپݨے قارئین دے سامݨیے رکھیے جیں اچ 13 افسانے دے علاوہ ݙو ناولٹ وی شامل ہن۔سرائیکی زبان تے ادب اچ اے لکھت ہک وݙا تے مثبت ودھارا ثابت تھیسی۔
