اسلام آباد۔24اپریل (اے پی پی سرائیکی نیوز سروس: ڈاکٹر سعدیہ کمال) نمل یونی ورسٹی آف ماڈرن لینگویجز دا ترائے ڈینھ 22 اپریل توں 24 اپریل تئیں دا کتاب ے تے مختلف ثقافتاں دے سٹال لاتے ڳئن جیندے اچ سرائیکی دا سٹال آپݨی موسیقی تے اجرکاں پاروں لوکاں دی توجہ دا مرکز بݨیا رہیا ۔نمل یونیورسٹی دے ترائے ݙینھ وار دے کتاب میلے تے سرائیکی کونسل دے جنرل سیکرٹری ذولقرنین حیدر اے پی پی سرائیکی نیوز سروس نال ڳالھ مہاڑ کریندے ہوئیں ݙسایا نمل یونیورسٹی اچ کونسل ودھ چڑھ تے حصہ ڳھندی اے اے 150 توں ودھ ملک دے وکھو وکھ سرائیکی علاقیں دے طالب علم موجود ہن جیڑھے یونیورسٹی اچ تھیوݨ آلے سٹڈی سرکل دے وچ حصہ ڳھندن اتے اے سٹال ڳھٹ ودھ سٹھ طالب علماں دی کوششاں نال سجایا ڳئے جیندے تے سڄݨ آوݨ اکھیں ٹھرݨ دا بینر اساݙی سرائیکی دی ثقافت اتے اجرکاں ، سرائیکی رومال، سرائیکی ویسٹ کوٹ، سرائیکی ڳندی سٹال تے سجائی ڳئی ہن جئیں کوں لوکاں ٻہوں پسند کیتا۔ ایں ایونٹ دے میڈیا کوآرڈینٹر منصور قیصرانی دا آکھݨ ہئی جو طالب علماں اتھ خاص طور تے اجرکاں پاتے سرائیکی جھمر اتے سرائیکی ڳاوݨ پیش کیتن ۔ت تریمتیں دی نمائندہ بینش زیب ݙسیا جو سرائیکی ثقافت دیاں شئیں دے نال نال وسیب دے کھانے اتے مٹھائیاں وی سٹال تے آوݨ آلیاں کوں پیش کیتیاں ڳئیاں۔
