لاہور۔2مئی (اے پی پی) قومی سلیکشن کمیٹی دا دورہ انگلینڈو آئرلینڈ کیتے 18 رکنی پاکستانی سکواڈ دا اعلان کر ݙتے۔ فاسٹ بالر حارث رئوف نال آل رانڈر حسن علی اتے سلمان علی آغا کوں 18 رکنی سکواڈ اچ ولا شامل کیتا ڳئے۔ ایندا اعلان قومی سلیکشن کمیٹی ٹیم قذافی سٹیڈیم اچ پریس کانفرنس کریندیں ہوئیں کیتا۔ سلیکشن کمیٹی ݙسیا جو ٹیم اچ بابر اعظم، ابرار احمد، اعظم خان، فخر زمان شامل ہیں، اس کے علاوہ حارث رئوف، حسن علی، افتخار احمد، عماد وسیم، محمد عباس آفریدی، محمد عامر، محمد رضوان، عرفان خان نیازی، نسیم شاہ، صائم ایوب وی قومی ٹیم دا حصہ ہن۔ قومی سکواڈ اچ سلمان علی آغا، شاداب خان، شاہین شاہ آفریدی اتے عثمان خان وی شامل ہن۔ اسامہ میر دی ڄاہ تے حارث رؤف کوں شامل کیتا ڳئے۔ سلیکشن کمیٹی دے رکن محمد یوسف آکھا جو نیوزی لینڈ دے خلاف میچز اچ اساݙا 17 رکنی سکواڈ ہئی جڈانجو ایندے اچ اساں ہک ودھارا کیتے۔ پاکستانی ٹیم لاہور اچ 4 توں 6 مئی تئیں 3 ݙینھ دے تربیتی کیمپ دے بعد 7 مئی کوں ڈبلن روانہ تھیسی۔
