ملتان، تکھی رفتار ٹرالے بے قابو تھی تے دکان اچ ونڄ وڑیا، ترائے بندے جاں بحق، ہک زخمی

ملتان۔ 06 مئی (اے پی پی) ملتان اچ تکھی رفتار ٹرالے بے قابو تھی تے دکان اچ ونڄ وڑیا، ترائے بندے جاں بحق، ہک زخمی تھی ڳئیا۔ تفصیل موجب ایم پی ایس روڈ تے ہک تکھی رفتار ٹرالہ ٹائر پھٹݨ دے بعد بے قابو تھی تے ڳھاہ دی دکان اچ وںج وڑیا جئیں اچ 70سالہ جاوید عزیز، 41سالہ محمد مبین اتے 16سالہ نامعلوم چھوہر موقع تے جاں بحق تھی ڳئیا۔ جڈانجو 38 سالہ محمد آصف کوں زخمی حالت اچ نشتر ہسپتال پڄا ݙتا ڳئے۔ ٹرالے دا ڈرائیور موقع توں ٻھج ڳئے۔