اقوام متحدہ۔7مئی (اے پی پی):پاکستان ٻاہرلے خلا اچ ہتھیاراں دی تنصیب روکݨ سانڳے موثر اقدامات دا مطالبہ کریندے ہوئیں ایں ڳالھ تے زور ݙتے جو اے اقدام بین الاقوامی امن و سلامتی سانڳے سنگین خطرہ مکاوݨ سانڳے ضروری اے ۔اقوام متحدہ اچ پاکستان دے مستقل مندوب منیر اکرم 193 رکنی جنرل اسمبلی اچ روس دےویٹو تے بحث اچ ڳالھ کریندے ہوئیں آکھیے جو اڄوکے سالاں اچ ٻاہرلے خلا اچ تے ایندے توں سلامتی کوں درپیش خطرہ ودھ ڳئے ۔ اے خلا اچ ہتھیاراں دی تنصیب تے ایں کوں اڳوں آندیاں جنگاں دا میدان بݨاوݨ دے حوالے نال وݙی طاقتاں دی فوجی پالیسیاں اتے نظریات توں ظاہر تھیندا پئے ۔گزریل مہینے اچ امریکا اتے جاپان ٻاہرلے خلا اچ ہتھیاراں دی دوڑ کوں روکݨ دے حوالے نال ھک قرار داد سلامتی کونسل اچ پیش کیتی ہئی جیں کوں روس ویٹو کر ݙتا ہئی جݙاں جو چین ایں قرار داد تے رائے شماری اچ حصہ نہ ڳحدا ہئی ایں توں علاوہ سلامتی کونسل دے سارے 13 ارکان قرار داد دے حق اچ ووٹ ݙتے ہن ۔
