سرینگر۔7مئی (اے پی پی) غیر قانونی طور بھارت دے قبضے جموں تے کشمیر اچ بھارتی فوجیاں آپݨی ریاستی دہشت گردی دی اڄوکی کاروائی اچ منگل کوں کولگام اچ ترائے کشمیری نینگر شہید کر ݙتے۔ کشمیر میڈیا سروس موجب فوجیاں نینگراں کوں ضلع دے علاقے ریڈونی اچ تلاشی دی کاروائی اچ شہید کیتے۔ فوجیاں کاروائی اچ ݙو رہائشی مکان وی تباہ کر ݙتے۔ فوجیاں پونچھ، راجوری، ادھم پور، کٹھوعہ اتے ڈوڈہ ضلعیاں دے مختلف علاقیاں اچ اڄ مسلسل چوتھے ݙینھ کاروائیاں جاری رکھی۔ بھارتی پولیس ضلع بارہمولہ اچ ٻئے ست کشمیریاں دی جائیداداں دی ضبط کر ڳھدی۔ ایڈیشنل سیشن کورٹ بارہمولہ دے حکم تے پولیس جائیداداں دی ضبطی دے نوٹسز لاتے۔ ضبط کیتی ڳئی اراضی 13 کنال جائیداد اے۔ کل جماعتی حریت کانفرنس دے ترجمان ایڈوکیٹ عبدالرشید منہاس عالمی برادری توں اپیل کیتی جو او کشمیریاں دی حالت زار دا نوٹس ڳھنے۔
