اسلام آباد۔8مئی (اے پی پی سرائیکی نیوز سروس، ڈاکٹر سعدیہ کمال) اکادمی ادبیات پاکستان ولوں ممتاز اہل قلم دی ادبی خدمات دے اعتراف اچ کمال فن ایوارڈ2022کیتےمعروف ادیب جناب حسن منظرکوں چݨیا ڳئے۔ ایندا اعلان ڈاکٹر نجیبہ عارف صدر نشین ، اکادمی ادبیات پاکستان ایوارڈ کمیٹی دے اجلاس دے بعد پریس کانفرنس اچ آکھی۔’’کمالِ فن ایوارڈ ‘‘ ملک دا ساریاں توں وݙا ادبی ایوارڈ اے جئیں دی رقم 1,000,000/-( ݙاہ لکھ روپے) اے۔2022 دے ’’کمال فن ایوارڈ ‘‘ دا فیصلہ پاکستان دے معتبر اتے مستند اہل دانش تے مشتمل منصفین دے پینل کیتا جئیں اچ جناب منیر احمد بادینی، ڈاکٹر معین الدین عقیل، ڈاکٹر سلمیٰ شاہین، پروفیسر ڈاکٹر عبدالرزاق صابر،محترمہ ثروت محی الدین، جناب رفعت عباس، جناب یوسف حسین آبادی،مبین مرزا، ڈاکٹر خالد محمود سنجرانی، ڈاکٹر روبینہ شاہین، ڈاکٹر امجد طفیل، بشریٰ فرخ، حارث خلیق، فرخ یار خان اتے اختر درگاہی شامل ہن۔اجلاس دی صدارت منیر احمد بادینی کیتی ۔ ’’کمال فن ایوارڈ ‘‘ ہر سال کہیں وی ہک پاکستانی اہل قلم کوں انہاں دی حیاتی دی ادبی خدمات دے اعتراف دے طور ݙتا ویندے۔ اے ایوارڈ ملک دا ساریاں توں وݙا ادبی ایوارڈ اے جئیں دا اجراء اکادمی ادبیات پاکستان 1997ء اچ کیتا ہئی۔ ہݨ تئیں ادکامی ادبیات ولوں احمد ندیم قاسمی ، انتظار حسین ،مشتاق احمد یوسفی، احمد فراز ،شوکت صدیقی، منیر نیازی ، ادا جعفری،سوبھو گیان چندانی ،ڈاکٹر نبی بخش خان بلوچ، جمیل الدین عالی، محمد اجمل خان خٹک ، عبداللہ جان جمالدینی،محمدلطف اللہ خان ، بانو قدسیہ ، محمد ابراہیم جویو ، عبداللہ حسین ، افضل احسن رندھاوا ، فہمیدہ ریاض،کشور ناہید، امر جلیل ، ڈاکٹر جمیل جالبی، منیراحمد بادینی، اسد محمد خاں اتے جناب ظفر اقبال کوں ’’کمال فن ایوارڈ ‘ ݙتے ڳئن۔ ایں موقع تے ’ ’قومی ادبی ایوارڈز‘‘ برائے سال2022ء دا اعلان وی کیتا ڳئیا۔ چیئرپرسن اکادمی ادبیات پاکستان ڈاکٹر نجیبہ عارف پریس کانفرنس اچ قومی ادبی ایوارڈز دا اعلان کریندیں ہوئیں ݙسیا جو اردو نثر( تخلیقی ادب) کیتے سعادت حسن منٹو ایوارڈن احمد سلیم دی کتاب ’’ میری دھرتی میرے لوگ‘‘(منصفین: محمد حمید شاہد، اصغر ندیم سید، خالد فتح محمد ) ، اردو نثر(تحقیقی وتنقیدی ادب) کیتے بابائے اردو مولوی عبدالحق ایوارڈ ڈاکٹر اورنگزیب نیازی دی کتاب ’’ اردو ادب : ماحولیاتی تناظر ‘‘(منصفین: ڈاکٹر معین الدین عقیل، ڈاکٹر خالد اقبال یاسر، ڈاکٹر ناصر عباس نیر) ، اردو شاعری کیتے ’’ڈاکٹر علامہ محمد اقبال ایوارڈ‘‘ قمر رضا شہزاد دی کتاب ’’درگزر‘‘ (منصفین: پروفیسرجلیل عالی، ڈاکٹر احسان اکبر، ڈاکٹر ضیاء الحسن ) ،پنجابی شاعری کیتے ’’سید وارث شاہ ایوارڈ‘‘ غلام حسین ساجد دی کتاب ’’ کن دے گن ‘‘،پنجابی نثر کیتے’’ افضل احسن رندھاوا ایوارڈ‘‘نین سکھ دی کتاب ’’وبا تے وسیب ‘‘ (منصفین: ڈاکٹر انعام الحق جاوید،ڈاکٹر معین نظامی، ڈاکٹر صغریٰ صدف ) ، سندھی شاعری کیتے ’’شاہ عبدالطیف بھٹائی ایوارڈ ‘‘امداد حسینی دی کتاب ’’ زرد مٽي ‘‘، سندھی نثرکیتے ’’مرزا قلیچ بیگ ایوارڈ‘‘ منظور کوہیار دی کتاب “ڊي ناڪ 109 ” اتےڈاکٹر فیاض لطیف دی کتاب ” شيخ اياز جي شاعريءَ جي لغت ” (منصفین: تاج جویو، اختر درگاہی، ڈاکٹر محمد اسحاق سمیجو) ، پشتو شاعری کیتے ’’خوشحال خان خٹک ایوارڈ‘‘ اسماعیل گوہر دی کتاب” غزل او غزل “،پشتو نثر کیتے ’’ محمد اجمل خان خٹک ایوارڈ ‘‘ اسیر منگل دی کتاب ” ترله دتر بور وی ” (منصفین: ڈاکٹر سلمیٰ شاہین،ڈاکٹر خلیل باور، ڈاکٹر حنیف خلیل ) ،بلوچی شاعری کیتے” مست توکلی ایوارڈ” مبارک قاضی دی کتاب “گس ء واتر کنگ لوٹاں “، بلوچی نثر کیتےسید ظہور شاہ ہاشمی ایوارڈ یوسف گچکی دی کتاب ” ترانگانی جوہان ” (منصفین: منیراحمد بادینی، ڈاکٹر عبدالصبور بلوچ، ڈاکٹر ضیاء الرحمان بلوچ) ، سرائیکی شاعری کیتے ’’خواجہ غلام فرید ایوارڈ‘‘اقبال بابر دی کتا ب ’’ سروپ‘ ، سرائیکی نثر کیتے”ڈاکٹر مہر عبدالحق ایوارڈ”حفیظ خان دی کتاب’’ مرما جیون دی ‘‘ (منصفین: ڈاکٹر نصراللہ خان ناصر، مسرت کلانچوی، رفعت عباس) ، براہوئی شاعری کیتے ’’تاج محمد تاجل ایوارڈ ‘‘ مہر زاہد نالوی دی کتاب ’’ قابَ قوسین ” ، براہوئی نثر کیتے ’’غلام نبی راہی ایوارڈ‘‘ ذوق براہوئی دی کتاب ’’ میرنورمحمد مینگل زندوکردار ‘‘ (منصفین: میرصلاح الدین مینگل، نور خان محمد حسنی، ڈاکٹر عبدالرزاق صابر ) ، ہندکو شاعری کیتے’’ سائیں احمد علی ایوارڈ ‘‘ ساجد سرحدی دی کتاب ’’ پیار دے ڈیوے ‘،ہندکو نثر کیتے خاطر غزنوی ایوارڈ گل ارباب دی کتاب ” چنی نال بہنی کہانڑیاں ” (منصفین: ڈاکٹر نذیر تبسم، سید ماجد شاہ،اسماعیل گوہر ) ، انگریزی نثر کیتے پطرس بخاری ایوارڈ کاملہ شمسی دی کتاب”Best of Friends” ، انگریزی شاعری کیتے داؤد کمال ایوارڈ اعجاز رحیم دی کتاب “Charlie Hebdo and Other Poems”(منصفین: یاسمین حمید، ارشد وحید، محمد افسر ساجد) اتے ترجمے کیتے ’’محمد حسن عسکری ایوارڈ‘‘یاسمین حمید دی کتاب ’’ جنوبی ایشیا کی منتخب نظمیں ‘‘ کوں ݙتا ڳئے(منصفین : ڈاکٹر رؤف پاریکھ، سلمان باسط،ڈاکٹر اقبال آفاقی)۔قومی ادبی انعام حاصل کرݨ آلی ہر کتاب دے مصنف کوں ݙو ݙو لکھ روپے انعامی رقم ݙتی ویسی۔
