بیجنگ۔10مئی (اے پی پی) چین چندر دے مدار اچ چھوڑیے ڳئے پاکستانی سیٹلائیٹ ’’آئی کیوب قمر ‘‘دا ڈیٹا پاکستان دے حوالے کر ݙتے، اے سیٹلائٹ چین دے خلائی مشن چینگ ۔6 دے ذریعے چندر دے مدار اچ چھوڑیا ڳئے۔ چائنا نیشنل سپیس ایڈمنسٹریشن دے سربراہ ژانگ کی جیان بیجنگ اچ تھیوݨ آلی ہک تقریب اچ اے ڈیٹا کیریئر چین اچ پاکستانی سفیر خلیل ہاشمی دے حوالے کیتا۔ ایں موقع تے ݙوہیں رَل تے آئی کیوب قمر توں ڳھدی ڳئی پہلی تصویر دی ڳنڈھ کھلائی کیتی۔ ایں تقریب دی صدارت چائنا نیشنل سپیس ایڈمنسٹریشن دے چیف انجینئر لی گوپنگ کیتے۔چائنا نیشنل سپیس ایڈمنسٹریشن دے شعبہ بین الاقوامی تعاون، لونر ایکسپلوریشن اینڈ سپیس انجینئرنگ سینٹر، چائنیز اکیڈمی آف سائنسز دی قومی فلکیاتی رصد گاہوں، شنگھائی جیاؤٹونگ یونیورسٹی، پاکستانی ادارے سپارکو اتے ایشیا پیسیفک سپیس کوآپریشن آرگنائزیشن دے نمائندے تقریب اچ شریک تھیے۔
