اسلام آباد۔10مئی (اے پی پی سرائیکی نیوز سروس، ڈاکٹر سعدیہ کمال) سرائیکی عوامی تریمت تحریک تے سرائیکی عوامی سنگت دے اہتمام نال مہان سرائیکی ترقی پسند ،دانشور، روشن خیال ، عوام دوست تے اسکالر اسلم رسول پوری دی یاد اچ “اسلم رسول پوری سرائیکی ادبی ثقافتی میلہ” 18 مئی کوں کراچی آرٹس کونسل اچ منایا ویسی ۔ جیندے اچ نوبت ، جھمر ، ڳالھ مہاڑ ، مشاعرہ تے موسیقی شامل ہوسی۔ پروگرام دے تانگھی ، سید محمد احمد شاہ، پروفیسر اعجاز فاروقی، بشیر سدوزئی،ڈاکٹر طارق محمود، حمید علی، مشتاق احمد فریدی، شاہد جتوئی، عبدالخالق اچھا، شیخ اسلم، نذیر لغاری، ادی عابدہ بتول، ادی سعدیہ شکیل، ادی نسرین گل نینا، ادی رخسانہ حمید علی، ادی یاسمین ملک اکبر، ادی ممتازملک ، افصا ملک، ادی رابعہ نوشین، ادی ثمینہ اسلم ہن۔
