ڈبلن۔13مئی (اے پی پی) آئرلینڈ اتے پاکستان دی کرکٹ ٹیماں وچال تریجھا اتے فیصلہ کن ٹی ٹونٹی میچ منگل کوں کلونٹرف کرکٹ کلب گراؤنڈ ڈبلن اچ کھیݙیا ویسی۔ ݙوہیں ٹیماں وچال ترائے میچاں دی سیریز ہک ہک نال برابر اے۔ میزبان آئرلینڈ ٹیم پہلے میچ اچ گرین شرٹس کوں 5 وکٹاں توں ہرایا ہئی جڈانجو ݙوجھے میچ اچ پاکستان دی ٹیم آئرلینڈ دی ٹیم کوں ست وکٹاں نال ہرائے۔ پاکستانی ٹیم مایہ ناز بیٹر بابر اعظم دی قیادت اچ کھیݙسی سکواڈ دے ٻئے کھݙاریاں اچ فخر زمان،صائم ایوب،افتخار احمد،عرفان خان،آغا سلمان،عماد وسیم،شاداب خان،اعظم خان،محمد رضوان،عثمان خان،ابرار احمد،حارث رؤف،حسن علی،عباس آفریدی،محمد عامر،نسیم شاہ اتے شاہین آفریدی شامل ہن
