اسلام آباد۔13مئی(اے پی پی)صدر مملکت آصف علی زرداری بوسنیا و ہرزیگوینا نال کاروباری و تجارتی تعلقات ودھاوݨ دی لوڑھ تے زور ݙیندے آکھیے جو ݙوہاں ملکاں وچال بینک کھولݨ سودھا مقامی کرنسیاں اچ تجارت اتے بارٹر ٹریڈ ودھائی ونڄ سڳدی اے۔ او ایوان صدر اسلام آباد اچ ملݨ آوݨ آلے بوسنیا وہرزیگووینا دے سفیر امین کوہوڈاریوچ نال الیندے پئے ہن۔ سفیر پاکستان نال معیشت، سلامتی و ثقافت دے شعباں سودھا خوراک، سیاحت اتے ٹیکسٹائل اچ تکڑے تعلقات اچ تعاون دی دلچسپی ݙکھائی۔ سفیر صدر کوں بوسنیا وہرزیگوینا دے دورے دی وی دعوت ݙتی۔
