ملتان۔ 14 مئی (اے پی پی) چیئرمین سینیٹ سید یوسف رضا گیلانی نال گورنر خیبرپختونخوا فیصل کریم کنڈی منگل کوں سرکٹ ہاؤس ملتان اچ ملاقات کیتی۔ ملاقات اچ آپسی دلچسپی ، خطے دی صورتحال اتے ٻئے مسئلیاں تے ڳالھ تھئٰ۔ چیئرمین سینیٹ نال مختلف وفود دی ملاقات کیتی۔ ملاقات کرݨ آلیاں اچ مخدوم سید شمائل ،حاجی الطاف گرا،اے ڈی خان بلوچ اتے ٻئے شامل ہن۔ مختلف وفود ملک منیر آرائیں، چوہدری عثمان اتے علی مہدی دی سربراہی اچ سید یوسف رضا گیلانی کوں آپݨے بنیادی مسئلیاں بارے ݙسیا۔ ایں موقع تے چیئرمین سینیٹ آکھیا جو خطےدی ترقی اتے مسئلیاں دے حل کیتے او اتھ دی عوام دی خدمت کیتے کوشش کریندے پئیوں۔ جنوبی پنجاب دی ترقی کیتے جتنے وی فنڈز ملیے او اتھاں دی عوام اتے عوامی منصوبیاں تے خرچ کریسوں۔
