ملتان۔ 15 مئی (اے پی پی) چئیرمین سینٹ سید یوسف رضا گیلانی نال بدھ کوں سابق ایم پی اے ملک سلیم لابر سرکٹ ہاؤس اچ ملاقات کیتی۔ ملاقات اچ وسیب دے علاقائی، سیاسی تے ٻئے مسئلیاں تے ڳالھ کیتی ڳئی۔ ایں توں اںج مختلف طبقے دے لوکاں دے وفود انہاں نال ملاقات کیتی۔ گیلانی لاء کالج دے ݙو رکنی وفد ،پرنسپل ڈاکٹر سمزا فاطمہ اتے ایسوسی ایٹ پروفیسرڈاکٹرمحمد بلال سید یوسف رضا گیلانی نال ملاقات کیتی۔ بعد اچ سید یوسف رضاگیلانی نال سول سوسائٹی فورمز دے وفد ملاقات کیتی۔ شاہد محمود انصاری چیئرمین سینٹ کوں ملتان شہر اچ پںج سو پودے لاوݨ دے مہم دا دعوت نامہ ݙتا جیڑھا انہاں قبول کرڳھدا۔ آل پاکستان ٹینیورٹریک ایسوسی ایشن دے وفد وی سید یوسف رضا گیلانی نال ملاقات کیتی اتے آپݨے مسئلیاں بارے ݙسیا۔ سرائیکستان ڈیموکریٹک پارٹی دے چیئرمین رانا سرفراز نون آپݨے وفد دے رلے سید یوسف رضا گیلانی نال ملیے،روائتی اجرک پوائی اتے انہاں کوں چیئرمین سینیٹ ٻݨݨ تے مبارخ ݙتی۔ الطاف کھر،ملک نسیم لابر،افتخارشاہ،ملک خرم،ملک اطہرمڑل،صدیق لابر،ملک اجمل لابر،محمدطلحہ تے ٻئے وفود ملاقات کرݨ آلیاں اچ شامل ہن۔ ایں موقع تے چیئرمین سینیٹ سارے وفود دا شکریہ ادا کیتا۔
