ملتان۔ 20 مئی (اے پی پی):قومی اسمبلی دے حلقہ این اے 148 ملتان 1دے ضمنی انتخابات اچ پاکستان پیپلزپارٹی دے علی قاسم گیلانی 33509 ووٹاں دی برتری توں جت ڳئن ۔ این اے 148 دے ضمنی انتخاب دے کل 275 پولنگ سٹیشنز دے غیر حتمی، غیر سرکاری نتیجے جاری کیتے ڳئن جنہاں موجب پیپلز پارٹی دے علی قاسم گیلانی 85863ووٹ گھن تے ݙوجھے نمبر تے رہیے ،سنی اتحاد کونسل دے امیدوار بیرسٹر تیمور الطاف 52354 ووٹ گھن تے ݙوجھے ،تحریک لبیک پاکستان دے ملک اظہر احمد سندیلہ2242 ووٹ گھن تے تریجھے نمبر تے رہیے اتے آزاد امیدوار روبینہ اختر 629 ووٹ گھن تے چوتھے نمبر تے رہین ۔جماعت اسلامی دے امیدوار عاطف عمران 381،آزاد امیدوار خالد جاوید وڑائچ 375اتے آزاد امیدوار امجد حسین 314 ووٹ ڳھدن ۔حلقے اچ کل ووٹاں دی تعداد 444231 اے، پاتے ڳئے ووٹا دی تعداد 142158 رہی جݙاں جو 1223 ووٹ مسترد تھئن، ٹرن آؤٹ 32.28 فیصد رہیا۔
