ملتان۔ 20 مئی (اے پی پی):این اے 148 ملتان دے ضمنی انتخاب اچ نویں منتخب ممبر قومی اسمبلی علی قاسم گیلانی آکھیے انہاں دی جت عوامی اعتماد دا اظہار اے،ووٹ ݙیوݨ آلیں دلوں شکریہ ادا کریندان ، حلقے دے عوام کوں یقین ݙوینداں جو انہاں دی خدمت اچ کوئی کسر نہ چھوڑیساں ۔ انہاں اتواررات کوں این اے 148 دے ضمنی انتخاب اچ کامیابی دے بعد میڈیا نال خصوصی ڳالھ مہاڑ آکھی اے ۔علی قاسم گیلانی آکھیے جو جت دی ٻہوں خوشی تھیندی پئی اے ، حلقے دی عوام دا مشکور ہاں جنہاں سپورٹ کیتے۔انہاں آکھیے 40 سال میݙے والد چیئرمین سینٹ یوسف رضا گیلانی ایں حلقے دی خدمت کیتی آپݨے والد دے نقش قدم تے چلدے ہوئیں عوام دی خدمت کریساں ۔
