ریاض ۔21مئی (اے پی پی) سعودی عر ب دے خادم حرمین شریفین شاہ سلمان بن عبد العزیز اتے ولی عہد شہزادہ محمد بن سلمان ایرانی صدر ابراہیم رئیسی اتے انہاں دے وفد دی موت تے افسوس کیتے۔ العربیہ موجب سعودی قیادت قائم مقام صدر محمد مخبر کوں تعزیتی مکتوب روانہ کیتے۔ سعودی قیادت آپݨے مکتوب اچ آکھیا جو اساکوں صدر ابراہیم رئیسی دی وفات دی خبر ملی اے، اساں تساں اتے ایرانی عوام دے علاوہ فوت تھیوݨ آلیاں دے لواحقین نال تعزیت کریندوں۔ اساں اللہ تعالیٰ توں انہاں دی مغفرت اتے رحمت تے درجات دی بلندی دی دعا کریندوں۔
