تہران ۔21مئی(اے پی پی):ایران دے صوبے مشرقی آذربائیجان دے صدر مقام تبریز اچ منڳل کوں شہریاں دی وݙی تعداد صدر ابراہیم رئیسی دے جنازے اچ شرکت سانڳے جمع تھئی ۔ایران دے سپریم لیڈر خامنہ ای منڳل دی رات تہران اچ ھک الوداعی تقریب اچ انہاں دی نماز جنازہ پڑھیسن ۔ابراہیم رئیسی دے جسد خاکی کوں خمیس دی سویل جنوبی خراسان صوبے اتے بعد اچ انہاں دے آبائی شہر مشہد گھن ویسن ، جتھاں آخری رسومات دے بعد خمیس دی شام انہاں دی تدفین کیتی ویسی ۔63 سالہ ابراہیم رئیسی سنوار کوں ہیلی کاپٹر دے المناک حادثے اچ جاں بحق تھی ڳئے او آپمے آذری ہم منصب الہام علیوف نال سرحد تے ھک ڈیم دے افتتاح اچ شرکت کرݨ ڳئے ہن واپس تے انہاں دا ہیلی کاپٹرحادثے دا شکار تھی ڳیا ۔حادثے اچ وفات پاوم آلیں اچ ایرانی صدر دے نال وزیر خارجہ حسین امیر عبداللہیان، مشرقی آذربائیجان دے صوبائی حکام اتے انہاں دی سیکورٹی ٹیم وی شامل ہئی۔
