اسلام آباد۔22مئی (اے پی پی):چین دے سفیر جیانگ زیڈونگ ھک چین دے اصول تے پاکستان دی بھرپور حمایت دی تعریف کیتی تے پاکستان دی خودمختاری سانڳے چین دی غیر متزلزل حمایت دا اعادہ کیتے ۔ پاک چین سفارتی تعلقات دے قیام دی 73 ویں سالگرہ دے موقع تے’ سی جی ٹی این‘ اردو دی طرفوں پاک۔چائنہ فرینڈشپ سنٹراچ منعقدہ تقریب توں خطاب کریندے ہوئیں چینی سفیر جیانگ زیڈونگ آکھیے امریکا دی طرفوں تائیوان دے معاملات اچ مداخلت ھک چین دے اصول اتے ترائے عددچین۔امریکا مشترکہ اعلامیں دی سنگین خلاف ورزی اے۔ انہاں آکھیے ہݨے ہی پاکستان سودھے ٻہوں سارے ملکاں دے رہنماواں تے بین الاقوامی تنظیماں دے ذمہ دار لوکاں چین دے اصول تے قائم رہݨ سانڳے آپݨی آواز چاتی تے جیں توں ظاہر تھیندے جو ھک چین دے اصول دی پاسداری عوامی امنگاں موجب اے ایندے تے عالمی برادری دا اتفاق اے ۔جیانگ زیڈونگ آکھیے ساݙے قائدین دی رہنمائی اچ چین اتے پاکستان دی یاری ہر آزمائش تے پوری لتھی اے ݙو پاسے تعلقات چٹان وانڳوں تکڑے ہن ۔
