لندن۔23مئی (اے پی پی)انگلینڈ اتے پاکستان دی کرکٹ ٹیماں وچال چار ٹی 20 انٹرنیشنل میچاں دی سیریز دا ݙوجھا میچ 25 مئی کوں ایجبسٹن، برمنگھم اچ کھیݙیا ویسی۔ ݙوہیں ٹیماں وچال 22 مئی کوں ہیڈنگلے ،لیڈز اچ شیڈول سیریز دا پہلا میچ مینہ پاروں نی تھی سڳیا۔ پاکستانی ٹیم مایہ ناز بیٹر بابر اعظم دی قیادت اچ کھیݙیسی۔ سکواڈ اچ ٻئے کھݙاریاں اچ فخر زمان،صائم ایوب،افتخار احمد،عرفان خان،آغا سلمان،عماد وسیم،شاداب خان،اعظم خان،محمد رضوان ،عثمان خان ،ابرار احمد،حارث رؤف،حسن علی،عباس آفریدی،محمد عامر،نسیم شاہ اتےشاہین آفریدی شامل ہن۔
