لندن۔27مئی (اے پی پی) انگلینڈ اتے پاکستان دی کرکٹ ٹیماں وچال چار ٹی ٹونٹی میچاں دی سیریز دی ترایجھا میچ منگل کوں صوفیہ گارڈنز کارڈف اچ کھیݙیا ویسی، میزبان ٹیم کوں پاکستان دے خلاف سیریز اچ ہک،صفر دی برتری اے۔ ݙوہیں ٹیماں وچال پہلا میچ مینہ پاروں نہ تھی سڳیا ہئی اتے ݙوجھا میچ اچ انگلینڈ دی ٹیم پاکستان کوں 23 رنز توں ہرا ݙتا ہئی۔ پاکستانی ٹیم مایہ ناز بیٹر بابر اعظم دی قیادت اچ کھیݙسی، سکواڈ اچ شامل ٻئے کھݙاریاں اچ فخر زمان،صائم ایوب،افتخار احمد،عرفان خان،آغا سلمان،عماد وسیم،شاداب خان،اعظم خان،محمد رضوان ،عثمان خان ،ابرار احمد،حارث رؤف،حسن علی،عباس آفریدی،محمد عامر،نسیم شاہ اتےشاہین آفریدی شامل۔
