مالے ۔3جون (اے پی پی) مالدیپ فلسطیناں نال یکجہتی اتے غزہ جنگ دے خلاف احتجاج دے طور اسرائیلی شہریاں دے ملک اچ داخلے تے پابندی لا ݙتی اے۔ عرب نیوز موجب مالدیپ دے صدارتی دفتر توں جاری اعلامیے اچ آکھیا ڳئیا جو ملک اچ اسرائیلی پاسپورٹ ہولڈرز دے داخلے تے پابندی لاتی ویندی پئی اے۔ بیان اچ آکھیا ڳئیا جو کابینہ اسرائیلی شہریاں دے ملک اچ داخلے بارے قوانین اچ تبدیلی دا فیصلہ کیتے۔ صدارتی ترجمان آکھیا جو صدر محمد محمد معیزو اسرائیلی پاسپورٹ رکھݨ آلیاں دے ملک اچ داخلے تے پابندی لاوݨ دا عزم کیتے۔ بیان اچ آکھیا ڳئیا جو فلسطینیاں دی امدادی مہم کیتے مالدیپ دے صدر خصوصی نمائندہ دی تعینات کریسن۔
