ملتان۔ 03 جون (اے پی پی) ملتان اچ گزریل ہک ہفتے توں جاری گرمی دی لہر لوکاں کوں بے حال کر ݙتے، سڑکاں ویران تھی ڳئن اتے کاروباری مراکز وی سن تھی ڳئن۔ شدید گرمی پاروں ہک بندہ جاں بحق تھی ڳئیا اتے کئی زخمی تھی ڳئے۔ریسکیو 1122 موجب 40سالہ بندہ دولت گیٹ میٹرواسٹیشن دے نیڑے بے ہوش پیا ہئی، اطلاع ملݨ تے ریسکیو اہلکار موقع تے پڄیے تاں او فوت تھی چکیا ہئی، میت کوں نشتر ہسپتال پڄا ݙتا ڳئیا۔ محکمہ موسمیات موجب سنوار کوں ملتان اچ ڳھٹ توں ڳھٹ درجہ حرارت 32 سینٹی گریڈ اتے ودھ توں ودھ 45 سینٹی گریڈ ریکارڈ کیتا ڳئیا۔ چووی گھنٹیاں اچ گرمی دی لہر رہݨ اتے مٹی دی ہوائیں چلݨ دا امکان اے۔
