کویت سٹی ۔4جون (اے پی پی) آسمان تے ہک چمکدے ستارے کوں ݙوکویتی ماہرین دی درخواست تے ’فلسطین‘ دا ناں ݙے ݙتا ڳئے۔ انڈپینڈنٹ اردو موجب کویتی ڈاکٹر موسیٰ المزیدی اتے ڈاکٹر زھیر المزیدی ݙیا جو سٹار رجسٹریشن ویب سائٹ ناسا سودھے خلائی ایجنسیاں توں ملݨ آلی معلومات استعمال کریندیں ہوئیں انہاں دی درخواست تے آسمان دے ہک چمکدے ستارے دا ناں فلسطین رکھ ݙتے۔ انہاں ݙسیا جو بین الاقوامی ستاریاں دی رجسٹریشن ویب سائٹ ’سٹار رجسٹریشن‘ انہاں دی درخواست تے ناں دی رجسٹری دا سرٹیفیکیٹ جاری کر ݙتے۔ انہاں دے مطابق اے ستارہ کویت دے آسمان تے روات کوں دوربین دے بغیر وی نظر امدے۔ ݙوہیں ماہرین آکھیا جو سٹار رجسٹریشن ویب سائٹ تے ہمیش کیتے فلسطین دا ناں محفوظ تھی ڳئے۔
