ڈیرہ غازی خان۔ 06 جون(اے پی پی):ریجنل پولیس افسر ڈیرہ غازی خان کیپٹن (ر) سجاد حسن خان دا ضلع مظفر گڑھ علاقہ تھاݨہ جتوئی اچ مبینہ تشدد تے بھاہ لڳݨ پاروں تریمت دی ہلاکت دے واقعہ دا نوٹس گھندے ہوئیں ڈی پی او مظفر گڑھ توں رپورٹ منگ ڳھدی ۔ تفصیل موجب ریجنل پولیس افسر ڈیرہ غازی خان کیپٹن (ر) سجاد حسن خان دا ضلع مظفر گڑھ علاقہ تھاݨہ جتوئی اچ مبینہ تشدد اتے بھاہ لڳݨ پاروں تریمت ہلاکت دے واقعہ دا نوٹس گھندے ہوئیں رپورٹ منگ ڳھدی ۔ آر پی او ڈی پی او مظفر گڑھ کوں واقعہ دی جدید سائنسی بنیاداں تے تفتیش کراوݨ دے احکامات جاری کیتن ۔آر پی او ہدایات جاری کیتن جو فرانزک ٹیماں دی مدد نال واقعہ دی تحقیقات عمل اچ گھن آئیان ونڄن تے سارے شواہد کٹھے کیتے ونڄن۔ واقعہ اچ ملوث ملزماں دی گرفتاری کوں ہرصورت یقینی بݨایا ونڄے۔ تریمت تے ظلم تے زیادتی کہیں صورت قابل قبول کائنی ۔لواحقین کوں انصاف ݙیوݨ یقینی بݨاوݨ سانڳے ترجیحی بنیاداں تے اقدامات چاتے ونڄن۔ ایندے توں پہلے وقوعہ دی اطلاع ملدے ہی پولیس دی باری نفری موقع تے پڄ ڳئی۔
