ریاض۔10جون (اے پی پی) خطبہ حج دا ترجمہ اردو سودھے 20 زباناں اچ ہک ارب سݨݨ آلیاں تئیں پڄاوݨ دی تیاری پوری کر ڳھدی ڳئی۔ اردو نیوز موجب مسجد الحرام اتے مسجد نبوی دے امور کیتے جنرل پریذیڈنسی عرفات دے خطبے کیتے ہݨ تئیں دا ساریاں توں وݙا ترجمہ پراجیکٹ شروع کرݨ دی تیاری کریندی پئی اے جئیں دا مقصد خطبہ حج اردو سودھے20زباناں اچ پوری دنیا اچ ہک ارب سݨݨ آلیاں تئیں پڄاوݨ اے۔ یاد رہے جو گزریل سال وی فرانسیسی، انگریزی، فارسی، اردو، ہاؤسا، روسی، ترکی، پنجابی، چینی، مالائی، سواحلی، ہسپانوی، پرتگالی، امہاری، جرمن، سویڈش، اطالوی، ملیالم، بوسنیائی، فلپائنی اتےفلپائنی زبان اچ خطبہ حج دا ترجمہ کیتا ڳئیا ہئی۔ خطبہ حج سمارٹ موبائل فون، حرمین شریفین دی ویب سائٹ اتے منارۃ الحرمین پلیٹ فارم توں وی پیش تھیسی۔
