اسلام آباد۔11جون (اے پی پی, ڈاکٹر سعدیہ کمال) اکادمی ادبیات پاکستان ولوں ترائے ڈینھ دی “قومی تقریب تقسیم اعزازت ” دی تقریب اچ حسن ناصر جامی، وفاقی سیکرٹری، قومی ورثہ و ثقافت آکھے جو ادب تے ثقافت دے حوالے نال اے ہک شاندار تقریب اے جیندے سانگے اکادمی ادبیات تعریف دے لائق اے جنھاں ملک بھر دے ادیباں کوں ہک چھت تلے جمع کیتے ۔ جیڑھے شاعراں تے مصنفاں کوں ست سال توں کمال فن ایوارڈز دیاں سنداں اتے شیلڈاں نہ ملیاں ہن انھاں کوں اج شیلڈاں ڈتیاں گئین ۔ انھاں ہک ادیب تے شاعر معاشرے دے حساس ترین لوک ہوندن ۔ انھاں دی عزت و تکریم اساں سبھے تے لازم اے۔ انھاں آکھے جو قومی ورثہ تے ثقافت ڈویژن دی کوشت اے جو پاکستان دے ادبی منظر نامے کوں عالمی سطح تے نشابر کیتا ونجے اتے پاکستان دے مثبت تشخص کوں ابھاریا ونجے ۔تقریب دے اخیراچ کمالِ فن ایوراڈز دیاں شیلڈاں تے اسنادِ اعزاز پیش کیتیاں گئین ۔ 2017 دا کمالِ فن ایوارڈ ڈاکٹر جمیل جالبی کوں ملیا ہا جیندی شیلڈ انھاں دے صاحبزادےجناب خاور جمیل کوں ڈتی گئی ۔ 2018 دی کمالِ فن ایوارڈ دی سند منیر احمد بادینی خود وصول کیتی۔ 2019 دا کمالِ فن ایوارڈ اسد محمد خان کوں ڈتا گیا ۔ 2021 دا کمال فن ایوارڈ تے سندِ اعزاز ظفر اقبال دے بھتریجے میاں محمد طارق لطیف وصول کیتی۔ 2022 دا کمال فن ایوارڈ حسن منظر کوں ڈتا گیا ملا تھا لیکن علالت کی وجہ سے وہ کراچی سے نہ آ سکے اِیں موقع تے ڈاکٹر معین الدین عقیل کوں خصوصی شیلڈ پیش کیتی گئی جنھاں نادر قلمی نسخیاں تے مخطوطیاں دا ہک قیمتی اثاثہ اکادمی کیتے وقف کیتا تاں جو فیدہ عوام سانگے استعمال تھی سگے۔
