بیجنگ۔14جون (اے پی پی):چین اچ پاکستان دے سفیر خلیل ہاشمی پاکستان اتے چین وچال تجارتی اتے سرمایہ کاری تعلقات کوں ودھاوݨ سانڳے صوبہ ہینان دے شہر پنگڈنگ شان دا دورہ کیتے اتےمیئر لی منگ جون نال نتیجہ خیز ملاقات کیتی ۔ ملاقاتاچ سانجھی دلچسپی دے امور تے ڳالھ مہاڑ تے اینکوں مزید ودھاوݨ تے اتفاق کیتا ڳئے۔ پاکستانی سفیر پنگڈنگشن اچ تنظیماں اتے کاروباری اداریں نال ڳالھ مہاڑ کیتی تے الیکٹرانکس، نائلون اتے آٹوموٹیو دی معروف کمپنیاں دا وی دورہ کیتے۔ پاکستانی سفیر پنگ ڈنگ شان پولی ٹیکنیک کالج اتے کول مائننگ سکول وچال ڈوئل ڈگری پروگرام دی نقاب کشائی دی تقریب توں خطاب کیتے ۔ انہاں آکھیے بہتر تکنیکی، پیشہ ورانہ تعلیم تے تربیت پیداواری صلاحیتاں اچ ودھارے دی کلید اے ۔ پاکستانی سفیر پنگ ڈنگ شان شہر اتے نیڑے کاؤنٹیز دے عجائب گھراں اتے تاریخی جہیں دے دور تے خوشی دا اظہار کیتا ۔
