جدہ۔21جون(اے پی پی):حج سیزن 2024 دے اختتام دے بعد حجاج دی وطن واپسی جاری اے۔ اردو نیوز موجب جدہ دے کنگ عبدالعزیز انٹرنیشنل ایئرپورٹ توں ہݨ تئیں ڈھائی لکھ حجاج واپس روانہ تھی چکئن جݙاں جو آندے ݙینھاں ایندے اچ ایئرپورٹ دے ذریعے وطن واپس ونڄݨ آلے حاجیاں دی تعداد10لکھ تئیں پڄ ویسی ۔ایندےعلاوہ مدینہ منورہ ایئرپورٹ توں وی عازمین دی روانگی جاری اے۔مدینہ منورہ دے امیر محمد بن عبدالعزیز انٹرنیشنل ایئرپورٹ تے جنرل ڈائریکٹوریٹ آف پاسپورٹ دے ترجمان میجر ناصر العتیبی آکھیے ایئرپورٹ تے کاؤنٹرز 24 گھنٹے کم کریندے پئن تے ڈیپارٹمنٹ اچ کم کرݨ آلے مرد تے تریمت پوری محنت نال حجاج دی روانگی دے عمل کوں تکھا تے سوکھا بݨیسن ۔ مدینہ منورہ ایئرپورٹ تے محکمہ پاسپورٹ دے کاؤنٹرز دے نیڑے حجاج سانڳے قرآن پاک دا نسخہ انھاں دی اپݨی زبان اچ رکھیا ڳئے جیڑھا روانگی ویلھے حاجی کوں ݙتا ویسی۔
